Yuxarı
    Bağlamaq

    Özbəkistanda Qarabağ geyimləri nümayiş etdirilib

    Qonaqlara geyimlər barədə geniş məlumat verilib

    Bakı. 22 iyun. REPORT.AZ/ Özbəkistanın Səmərqənd şəhərində "Azərbaycan Mədəniyyət günləri" çərçivəsində "Azərbaycan milli geyimləri, Qarabağ geyimlərinin" moda sərgisi keçirilib.

    Özbəkistandakı Heydər Əliyev adına Azərbaycan Mədəniyyət Mərkəzindən "Report"a verilən məlumata görə, mərkəzin direktoru Samir Abbasov Azərbaycanın təkrarsız və zəngin mədəniyyəti haqqında danışıb, Azərbaycan mədəniyyətinin beşiyi Qarabağda azərbaycanlıların yaratdığı zəngin mədəni irs barədə məlumat verib.

    Sərgidə geyimlər nümayiş etdirilərkən Qarabağ geyimləri və onların özünəməxsusluğu haqqında geniş məlumat verilib.

    Tədbirdə əsasən Qarabağ xanları dövrünə aid zəngin Azərbaycan qadınlarının libasları, şənlik geyimləri, gənc Qarabağ bəylərinin mərasim geyimləri, habelə toy libasları sərgilənib.

    Qeyd edək ki, Azərbaycan Mədəniyyət Mərkəzinin milli geyimlər kolleksiyasına aid libasları Səmərqənd Dövlət Universitetinin gənc modelyer qızları nümayiş etdirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi