Yuxarı
    Bağlamaq

    Mədəniyyət və turizm naziri Əbülfəs Qarayev yeni direktor təyinatları edib

    Bir neçə musiqi məktəbinin direktoru dəyişdirilib

    Bakı. 13 noyabr. REPORT. AZ/ Mədəniyyət və turizm naziri Əbülfəs Qarayev yeni təyinatlar edib. "Report" xəbər verir ki, Bakı şəhərində Mədəniyyət və Turizm Nazirliyinin strukturunda olan L.və M. Rostropoviçlər adına 21 nömrəli Onbirillik Musiqi Məktəbində və K.Səfərəliyeva adına 16 nömrəli Uşaq Musiqi Məktəbində yeni direktor təyinatları olub.

    Mədəniyyət və turizm naziri Əbülfəs Qarayevin müvafiq əmrlərinə uyğun olaraq, Məmməd Həsən oğlu Quliyev L. və M. Rostropoviçlər adına 21 nömrəli Onbirillik Musiqi Məktəbinin, Fikrət Vəli oğlu Budaqov isə K.Səfərəliyeva adına 16 nömrəli Uşaq Musiqi Məktəbinin direktoru təyin edilib.

    Qeyd edək ki, bu təyinatadək M. Quliyev Azərbaycan Dövlət Konservatoriyasının professoru, F. Budaqov isə Qara Qarayev adına Mərkəzi İncəsənət Məktəbinin direktor müavini vəzifəsində çalışıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi