Avropanın bəzi təmsilçiləri “Avroviziya-2022”də Ukraynaya siyasi dəstək verib

Avropanın bir sıra təmsilçiləri “Avroviziya-2022”də Ukraynaya siyasi dəstək verib.

Bu barədə “Report” “RBC Ukraina”ya istinadən xəbər verir.

Qeyd edilir ki, “Avroviziya-2022” mahnı müsabiqəsinin təşkilatçıları Ukraynanın Mariupol şəhərini və “Azovs”talı xilas etmək çağırışına görə bu ölkənin təmsilçisi “Kalush Orchestra”nı diskvalifikasiya etmirlər.

Çünki bu halda Avropa yayım şirkəti bir sıra digər ölkələr üzrə səsvermənin nəticələrini ləğv etməli olacaq:

“Məsələ burasındadır ki, Turində keçirilən “Avroviziya-2022”-nin finalınadək Ukraynanı “Qədim Dünya”nın müxtəlif yerlərindən gələn sənətçilər dəstəkləyib”.

Məsələn, İslandiyanın "Systur" qrupunun qızları Ukrayna bayraqları ilə bəzədilmiş musiqi alətlərində çalıb, sonra səhnədən "Ukraynaya sülh!" deyiblər.

Alman ifaçı Malik Harris çıxışı zamanı mavi-sarı gitara və "Sülh" yazısı ilə çıxış edib.

Moldovanın “Zdob și Zdub” qrupunun üzvləri də Ukraynanı dəstəkləyib.

“Qeyd edək ki, hələ Rusiya Federasiyasının Ukrayna ərazisinə genişmiqyaslı hücumundan əvvəl “Styler” rusiyalı sənətçinin “Avroviziya”da iştirakı ilə bağlı Avropa Yayım Birliyinə sorğu göndərib.

Həmin vaxt, fevralın 23-də bu cavabı aldıq: “Avroviziya” Mahnı Müsabiqəsi xalqları birləşdirən və musiqi vasitəsilə müxtəlifliyi qeyd edən qeyri-siyasi mədəni hadisədir.

Və Rusiya bir neçə şəhərimizi bombaladıqdan cəmi bir neçə gün sonra “Avroviziya”nın təşkilatçıları bu ölkəni müsabiqədə iştirakdan kənarlaşdırmaq qərarına gəldilər”, - “RBC Ukraina” qeyd edib.