Yuxarı
    Bağlamaq

    İtaliyalı heykəltəraş müəllifi olduğu kompleksi Bakıda reallaşdıracaq

    Abidədə Nizami və Şekspir sənətinin əlçatmazlığı təsvir ediləcək

    Bakı. 19 may. REPORT.AZ/ Mədəniyyət və turizm naziri Əbülfəs Qarayev III Ümumdünya Mədəniyyətlərarası Dialoq Forumunda iştirak edən italiyalı heykəltəraş-rəssam Poli Albano ilə görüşüb.

    "Report" xəbər verir ki, Poli Albano Verona şəhərində müəllifi olduğu kompleks barədə nazirə məlumat verib.

    Kompleksin maketini nazirə təqdim edən italiyalı sənətkar bildirib ki, buradakı ölkənin mədəni yaxınlığı, böyük söz dühaları - Nizami və Şekspir sənətinin əlçatmazlığı öz əksini tapıb. Heykəl tuncdan və mərmərdən hazırlanıb.Qonaq vurğulayıb ki, hər il bu kompleksi 25 milyon turist ziyarət edir və onun Bakıda reallaşdırılması Azərbaycana turist axınını artıra bilər.

    Nazir öz növbəsində Bakıda tarixi-mədəni abidələrin bərpa işlərində İtalyan sənətkarlarının da yaxından iştirak etdiyini vurğulayıb. Qeyd olunub ki, paytaxtda bir sıra mədəniyyət ocaqlarının əsaslı təmirində italyan sənətkarlarının əməyi var.

    Əbülfəs Qarayev qeyd edib ki, Verona şəhərindəki kompleksin Azərbaycan paytaxtında yaradılması böyük rezonansa səbəb ola bilər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi