Həkim: "Prezidentə və birinci xanıma hər gün Habil Əliyevin vəziyyəti ilə bağlı məlumat verilir" - FOTO

Bakı. 18 avqust. REPORT. AZ/ "Xalq artisti Habil Əliyev hazırda Kliniki Tibbi Mərkəzin Reanimasiya şöbəsindədir. Hazırda o, müalicələrə cavab verir. Zondla süni şəkildə qidalandırılma başlayıb". "Report"un xəbərinə görə, bunu jurnalistlərə açıqlamasında xalq artistinin həkimi, nefroloq Səbinə Qasımova deyib.

O bildirib ki, Prezident İlham Əliyev və birinci xanım Mehriban Əliyevaya hər gün xəstənin vəziyyəti ilə bağlı məlumat verilir: "Həmçinin, Səhiyyə Nazirliyi də xəstəni nəzarətdə saxlayır".

Həkim qeyd edib ki, xəstənin yaşının çoxluğu səbəbindən, onun müalicə prosesinin uzan çəkəcəyi gözlənilir: "Xəstəxanadan nə vaxt çıxarılacağı hələ məlum deyil".