Bakı. 21 dekabr. REPORT.AZ/ Bakıda modapərəst qadınlar üçün moda layihəsi çərçivəsində Yeni il qabağı satış yarmarkası keçirilib.
“Report” xəbər verir ki, “Excelsior Hotel & Spa Baku” otelinin, “Baku Fashion Night” təşkilatının, "FMS Models" model agentliyinin təşkilatçılığı və xanım Lyubov Qutorova-Poyrazın rəhbərliyi ilə təşkil olunan moda yarmarkasında məşhur dizaynerlərin kolleksiyalarının satışı keçirilib.
Yarmarkadan sonra "Baku Fashion Night 2016" tədbiri keçirilib. Tədbirdə əməkdar mədəniyyət xadimi Fəxriyyə Xələfova, dizaynerlər Lalə Ağayeva, Gülüm Əsədullayeva, Günel Behbudova, Günay Quliyeva, Nərgiz Muxtarova brend “by NRGZ”, Sehri Rəhimova, Günay Mirzə, Yekaterina Eren, Liana Allahverdiyeva və başqalarının 2017-ci il üçün "Qış-Bahar 2017" kolleksiyaları nümayiş olunub.