Aşıq Ulduz Sönməzə Azərbaycan Respublikası Prezidentinin fərdi təqaüdü veriləcək

Bakı. 1 mart. REPORT.AZ/ Prezident İlham Əliyev Ulduz Quliyevaya (aşıq Ulduz Sönməz) Azərbaycan Respublikası Prezidentinin fərdi təqaüdünün verilməsi haqqında sərəncam imzalayıb.

"Report" xəbər verir ki, sərəncamla Azərbaycan aşıq sənətinin inkişafında xidmətlərinə görə Ulduz Əsgər qızı Quliyevaya Azərbaycan Respublikası Prezidentinin fərdi təqaüdü veriləcək.

Nazirlər Kabinetinə bu sərəncamdan irəli gələn məsələləri həll etmək tapşırılıb.