Yuxarı

"Ofeliya" qasırğası səbəbindən Tallində çirkli yağış yağıb

"Ofeliya" qasırğası səbəbindən Tallində çirkli yağış yağıb
Qasırğa Estoniyaya Portuqaliyada meşə yanğınlarından sonra yaranmış tüstü və his gətirib

Bakı. 18 oktyabr. REPORT.AZ/ Estoniyanın paytaxtı Tallin şəhərinə çirkli yağış yağıb.

"Report"un Estoniya KİV-lərinə istinadən verdiyi xəbərə görə, "Ofeliya" qasırğası ölkəyə Portuqaliyada baş vermiş yanğınlardan sonra yaranmış tüstü və hisi, Saxara səhrasından isə toz dumanını gətirib. Bu səbəbdən ölkə ərazisində çirkli yağış müşahidə olunub.

Sinoptiklərin sözlərinə görə, baş verənlər müvəqqəti haldır.

Hazırda havanın kimyəvi tərkibi haqda məlumat yoxdur.

Qeyd edək ki, Portuqaliyada meşə yanğınları nəticəsində 27 nəfər həlak olub, 51 nəfər xəsarət alıb. Onlardan 15-nin vəziyyəti ağırdır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi