Çində dünyanın ən hündür şüşə körpüsü açılacaq - FOTO - VİDEO

Çində dünyanın ən hündür şüşə körpüsü açılacaq - FOTO - VİDEO Körpü ümumilikdə 10 dünya rekordu müəyyənləşdirəcək
Maraqlı
549
17 Avqust , 2016 10:32
Çində dünyanın ən hündür şüşə körpüsü açılacaq - FOTO - VİDEO

Bakı. 17 avqust. REPORT.AZ/ Avqustun 20-də Çinin mərkəzində yerləşən Hunan əyalətindəki Çjantszyatsze Milli parkında dünyanın ən uzun və ən hündür şüşə körpüsünün açılışı olacaq.

"Report" RİA "Novosti"yə istinadən xəbər verir ki, körpü ümumilikdə 10 dünya rekordu müəyyənləşdirəcək.

Tikilinin uzunluğu və eni müvafiq olaraq 430 və 6 metr təşkil edəcək. 99 ədəd üçlaylı şəffaf şüşə panellərdən ibarət olan körpü iki qayanı birləşdirəcək və dərədən təxminən 300 m yüksəklikdə yerləşəcək.

Hər gün nəfəskəsici mənzərəni 8 min nəfər izləyə biləcək. Əyləncə kompleksinin təşkilatçılarının sözlərinə görə, bura gəlmək üçün azı bir gün əvvəldən bilet rezervasiya edilməlidir.

Qeyd edək ki, körpünün əsas konstruksiyasının tikintisi ötən ilin dekabrında başa çatıb. Onun möhkəmliyini sübut etmək üçün iyul ayında böyük şou təşkil edilib və 2 tonluq yük maşını şüşə qurğunun üstündən keçib.

Son xəbərlər

Orphus sistemi