Yuxarı
    Bağlamaq

    "Silkway Bank" avtomatik valyutadəyişmə terminalları quraşdırır

    Əməliyyatlar Silkway Bankın gündəlik məzənnələri əsasında aparılacaq

    Bakı. 9 dekabr. REPORT.AZ/ "Silkway Bank" ASC ticarət və xidmət müəssisələrində avtomatik valyutadəyişmə terminallarının yerləşdirilməsini planlaşdırır. Artıq ilk terminal bankın baş ofisində quraşdırılıb, istifadəyə verilib.

    "Report"un banka istinadən verdiyi xəbərə görə, növbəti terminallar Heydər Əliyev Beynəlxalq Hava Limanının ərazisində, regionlarda yerləşən hava limanlarında, Bankın bütün filiallarında və digər strateji nöqtələrdə yerləşdiriləcək.

    Bu terminal vasitəsilə müəssisənin müştəriləri və ziyarətçiləri Azərbaycan manatı, ABŞ dolları və avro üzrə valyutadəyişmə əməliyyatlarını həyata keçirə bilərlər. Terminalla günün istənilən vaxtı (24/7 rejimində) və ya müəssisənin iş saatları ərzində avtomatik valyutadəyişmə imkanı təqdim edilir.

    Terminal vasitəsilə valyuta dəyişməsi "Silkway Bank"ın gündəlik yenilənən valyuta məzənnələrinə əsasən həyata keçirilir və terminal vasitəsilə valyuta dəyişdirən müştəridən komissiya tutulmur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi