Rusiya baş nazirinin müavini vergi və gömrük xidmətlərinin birləşdirilməsini təklif edib

Bakı. 21 noyabr. REPORT.AZ/ Rusiyanın baş nazirinin birinci müavini İqor Şuvalov 2018-ci ildə vergi və gömrük xidmətlərinin birləşdirilməsini təklif edib.

"Report" "Reuters" agentliyinə istinadən xəbər verir ki, bu barədə İ.Şuvalov Federal Vergi Xidmətinin kollegiya iclasında çıxışında bildirib.

"Bəzi ölkələrdə vahid fiskal orqan fəaliyyət göstərir. Yeni siyasi mərhələyə qədəm qoyduğumuz dövrdə vergi və gömrük işçilərini bu struktura dəvət edirəm. Əlbəttə ki, birləşmə qərarı alınmadan əvvəl onun müsbət və mənfi tərəfləri müzakirə olunacaq. Əgər bu yaxşı və hökumət üçün daha aydın yol olsa, hökumət sabit gəlir təmin etsə, vətəndaşlar və hüquqi şəxslər üçün əlverişli olsa, o zaman bu qərarı 2018-ci ilin may ayında qəbul etmək məqsədəuyğun olar",- deyə Şuvalov sözlərinə əlavə edib.