Yuxarı

“PAŞA Bank” istiqraz buraxır

Bank bu yolla 50 mln. manat vəsait cəlb etmək istəyir

Bakı. 20 sentyabr. REPORT.AZ/ Maliyyə Bazarlarına Nəzarət Palatası (MBNP) “PAŞA Bank” ASC-nin hər birinin nominal dəyəri 100 manat olan 500 000 ədəd sənədsiz, təmin edilməmiş istiqrazlarının baza emissiya prospektini təsdiq edib.

Bu barədə "Report"a Palatadan bildirilib. 

İstiqrazlar hamısı satılsa, "PAŞA Bank"ın öhdəlikləri 50 mln. manat artacaq. 

Xatırladaq ki, MBNP ölkədə maliyyə sektorunun dayanıqlılığını təmin etmək və bu sahədə nəzarət mexanizmlərini təkmilləşdirmək məqsədi ilə ölkə prezidentinin 3 fevral 2016-cı il tarixli fərmanı ilə yaradılıb.

"PAŞA Bank" isə 2007-ci ildə yaradılıb. Onun nizamnamə kapitalı 333 mln. manatdır. Bu məbləğ hər birinin nominal dəyəri 33 300 manat olan 10 000 səhm əsasında formalaşıb. Bankın səhmlərinin 60%-i "PAŞA Holdinq" MMC-yə, 30%-i "Ador" MMC-yə, 10%-i isə Arif Paşayevə məxsusdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi