Yuxarı
    Bağlamaq

    ​Dollar tədricən bahalaşacaq

    Deutsche Bank bu ilin sonuna qədər isə dollar almaqdan çəkinməyi tövsiyə edir

    Bakı. 23 sentyabr. REPORT.AZ/ "Deutsche Bank" dollar/avro məzənnəsi üzrə uzunmüddətli proqnozunu 1,05 USD/EUR səviyyəsində açıqlayıb.

    "Report" xəbər verir ki, ötən gün müştərilərinə müraciət edən Bank, onlara bu ilin sonuna qədər dollar almaqdan çəkinməyi tövsiyə edib. USD/EUR məzənnəsinin texniki təhlilini aparan bank mütəxəssisləri bir müddət əvvəl avroya qarşı dollar alışını üstün tutsalar da, artıq bu strategiyasında ehtiyatlı olmağa başlayıb.

    Buna baxmayaraq, uzunmüddətli perspektivdə "Deutsche Bank" məzənnənin dolların xeyirinə dəyişəcəyini düşünür. Bankın proqnozlarına görə, Avropa Mərkəzi Bankının əlavə monetar genişləməyə başlayacağı ilə bağlı risk avroya ciddi təsir edəcək. Aşağıdakı qrafikdən də göründüyü kimi məzənnənin 1,10 USD/EUR səviyyəsinə qədər geriləməsi ehtimalı böyükdür. Daha sonra isə avronun bahalaşması gözlənilir. Lakin məzənnə 1,10 USD/EUR səviyyəsindən aşağı enərsə, artıq paritetə doğru hərəkət edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi