Yuxarı

Azərbaycanda nağdsız ödənişlərin həcmi 33% artıb

Azərbaycanda nağdsız ödənişlərin həcmi 33% artıb

80

İllik müqayisədə ATM-lər üzərindən aparılan ödənişlər 9% azalıb

Bakı. 10 oktyabr. REPORT.AZ/ Azərbaycanda cari ilin yanvar-avqust ayları ərzində ATM və POS-terminallar vasitəsilə ümumilikdə 696 mln. manat həcmində əməliyyatlar həyata keçirilib.

"Report" bu barədə Azərbaycan Mərkəzi Bankının (AMB) aylıq hesabatına istinadən xəbər verir.

Hesabata əsasən, nağdsız əməliyyatların həcmi əvvəlki ilin müvafiq dövrü ilə müqayisədə 173 mln. manat və ya 33% artıb.

Əməliyyatların 504 mln. manatı POS-terminallar, 192 mln. manatı ATM-lər vasitəsilə həyata keçirilib. Beləliklə, POS-terminallar vasitəsilə nağdsız ödənişlərin həcmində 193 mln. manat və ya 62% artım, ATM-lər vasitəsilə ödənişlərdə isə 20 mln. manat və ya 9% azalma qeydə alınıb.

Cari ilin avqust ayında POS-terminallar vasitəsilə nağdsız ödənişlərin həcmi əvvəlki ayla müqayisədə 5 mln. manat və ya 8% artaraq 69 mln. manat, ATM-lə nağdsız ödənişlərin həcmi isə 1 mln. manat və ya 4% artaraq 28 mln. manat təşkil edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi