Yuxarı
    Bağlamaq

    Avropa İttifaqı Yunanıstana 8,5 mlrd. avro kredit ayırıb

    Qərar avronun bir qədər bahalaşmasına səbəb olub

    Bakı. 16 iyun. REPORT.AZ/ Avrozona ölkələrində böhrana dəstək vermək üçün yaradılan Avropa Sabitlik Mexanizmi (ESM) iyul ayının əvvəlində Yunanıstana yeni kredit subtranşı ayırıb. 

    "Report" RİA "Novosti" agentliyinə istinadən xəbər verir ki, bu barədə ESM-in rəhbəri Klaus Reqlinq (Claus Regling) məlumat verib.

    Yeni kredit tranşının 8,5 mlrd. avro (9,5 mlrd. ABŞ dolları) təşkil edəcəyi və hissə-hissə veriləcəyi bildirilib. Qərar dünən, iyunun 15-də Avrozona ölkələrinin Maliyyə Nazirləri Şurasında qəbul edilib.

    Qeyd edək ki, Yunanıstana III maliyyə yardımı proqramı çərçivəsində ESM 2015-ci ilin avqustundan indiyədək 31,7 mlrd. avro (35,3 mlrd. dollar) vəsait verib. Kreditlərin ümumi həcminin 86 mlrd. avro (96 mlrd. dollar) təşkil edəcəyi vurğulanır.

    Bu qərar avronun məzənnəsinin bir qədər - 1,1155 dollara kimi yüksəlməsinə səbəb olub. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi