Yuxarı

ARDNF-dən qaçqın və məcburi köçkünlərə əlavə 200 mln. manat vəsait ayrılacaq

Bakı. 27 noyabr. REPORT.AZ/ 2019-ci ildə Azərbaycan Dövlət Neft Fondundan (ARDNF) qaçqın və məcburi köçkünlərin həyata şəraitinin, mənzillə təminatının yaxşılaşdırılması üçün əlavə 200 mln. manat vəsait ayrılması nəzərdə tutulub.

“Report” xəbər verir ki, bu barədə maliyyə naziri Samir Şərifov Milli Məclisdə məlumat verib.

Nazir büdcənin xərclər hissəsinin 410 mln. manat artırılmasının məqsədləri barədə də danışıb və birc sıra xərc istiqamətlərini açıqlayıb: “Regionlarda məşğulluq üçün əlavə olaraq 80 mln. manat, 2019-2020-ci illərdə dövlət hesabına ali təhsil alanlar və digər təhsil xərcləri üçün əlavə 11 mln. manat ayrılacaq. Bundan başqa, Gənclər Fondu üçün əlavə 2,7 mln. manat nəzərdə tutuluv ki, bu da cari illə müqayisədə 4,4 dəfə çoxdur. Azərbaycan Milli Elmlər Akademiyasına əlavə 800 min manat, yeni doğulmuş eşitmə qüsurlu, ürəklə bağlı problemli uşaqlar üçün əlavə 4 mln. manat, həmçinin yeni yaradılan təşkilatların maliyyə təminatı üçün 5,5 mln. manat ayrılması nəzərdə tutulub”. 

Bundan başqa, gələn ilin büdcəsindən kənd təsərrüfatı xərcləri üçün əlavə olaraq 40 mln. manat ayrılması təklif edilir. Həmçinin, islahatların həyata keçirilməsi ilə bağlı tədbirlər üçün 256 mln. manat əlavə vəsaitin ayrılması nəzərdə tutulur. Nazir bildirib ki, bələdiyyələrə ayrılan dotasiyalar 500 min manat azaldılacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi