Vahid Əhmədov: “Sığorta ilə bağlı zərərlərin qiymətləndirilməsi üçün xaricdən mütəxəssis dəvət etməyə ehtiyac yoxdur”

“Azərbaycanda sığorta ilə bağlı ən ciddi problem dəyə biləcək zərərlərin qiymətləndirilməsidir”.

“Report” xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov "Aqrar sığorta haqqında" qanun layihəsinin müzakirəsində bildirib.

Bununla belə, onun sözlərinə görə, Azərbaycanda kifayət qədər qiymətləndirmə mütəxəssisi var: “Odur ki, sığorta ilə bağlı zərərlərin qiymətləndirilməsi üçün xaricdən mütəxəssis dəvət etməyə ehtiyac yoxdur”.