Azərbaycanda sahibkar qadınların investisiya layihələrinin maliyyələşdirilməsinə 104 mln. manat yönəldilib

Bakı. 21 yanvar. REPORT.AZ/ "İqtisadiyyat Nazirliyi yanında Sahibkarlığın İnkişafı Fondunun fəaliyyəti dövründə qadın sahibkarların investisiya layihələrinin maliyyələşdirilməsi ilə bağlı dövlət tərəfindən 103,8 mln. manat güzəştli krediti verilib".

"Report" xəbər verir ki, bunu iqtisadiyyat nazirinin müavini Sahib Məmmədov jurnalistlərə açıqlamasında deyib. Onun sözlərinə görə, bu kreditlər sahibkarlıq fəaliyyəti ilə məşğul olan 4 200 qadına verilib. 

Nazir müavini bildirib ki, bu güzəştli kreditlər hesabına 8 500 iş yerinin yaradılması təmin edilib.