Rusiya Bankı bu il 7-ci dəfə uçot dərəcəsini artırıb

Rusiya Bankının (Mərkəzi Bank) Direktorlar Şurası uçot dərəcəsinin daha 1 faiz bəndi artırılaraq 7,5%-dən 8,5%-ə çatdırılması barədə qərar qəbul edib.

“Report” Rusiya mətbuatına istinadən xəbər verir ki, bu barədə qurumun açıqlamasında bildirilir.

Xatırladaq ki, Rusiya Bankı bu il martın 19-da uçot dərəcəsini 4,25%-dən 4,5%-ə, aprelin 23-də 4,5%-dən 5%-ə, iyunun 11-də 5%-dən 5,5%-ə, iyulun 23-də 5,5%-dən 6,5%-ə, sentyabrın 10-da 6,5%-dən 6,75%-ə, oktyabrın 22-də isə 6,75%-dən 7,5%-ə qaldırmışdı.