Qızıl dolların möhkəmlənməsi və ABŞ-ın dövlət istiqrazlarının gəlirliliyinin artması fonunda ucuzlaşıb

Dünya bazarında qızıl ABŞ dollarının möhkəmlənməsi və ABŞ-ın dövlət istiqrazlarının gəlirliliyinin artması fonunda ucuzlaşıb.

“Report” xəbər verir ki, Nyu-Yorkun “Comex” birjasında qızılın avqust fyuçersləri 0,31 % və ya 5,95 ABŞ dolları ucuzlaşaraq 1 unsiyası 1926,45 dollara satılıb. Gümüşün sentyabr fyuçerslərinin qiyməti isə 0,33 % düşərək 1 unsiyası 23,218 ABŞ dolları təşkil edib.

ABŞ dollarının indeksi (ABŞ-ın ticarət tərəfdaşı olan altı ölkənin valyuta səbətinə nisbətdə məzənnəsi) 0,55 % artaraq 102,46 bənd təşkil edib. ABŞ-ın 10 illik xəzinə istiqrazlarının gəlirliliyi isə 4,052 %-dən 4,083 %-ə yüksəlib.