Ötən ilin ticarət müharibələrinin fəsadları açıqlanıb

Bakı. 30 yanvar. REPORT.AZ/ Dünya iqtisadiyyatı 2018-ci ildə ticarət müharibələri və müxtəlif əngəllər səbəbindən 500 milyard ABŞ dolları məbləğində ziyan çəkib.

“Report” xəbər verir ki, bu barədə Rusiyanın iqtisadi inkişaf naziri Maxim Oreşkin Dünya Ticarət Təşkilatının dəyərləndirmələrinə istinadən bildirib.

Nazirin fikrincə, dünyada iqtisadi artımın zəifləməsinin mühüm səbəbi ticarət müharibələri nəticəsində dünyanın ayrı-ayrı bloklara bölünməyə başlamasıdır.