Nyu-Yorkda indekslər yenidən yüksəlib

Yeni koronavirus infeksiyasına qarşı peyvəndin sınaqlarda yüksək nəticə göstərməsi, 2021-ci ildə iqtisadi artımın olması barədə xəbərlər Nyu-York Fond Birjasında (NYSE) keçirilən hərracda indekslərə müsbət təkan verib.

“Report” xəbər verir ki, “Dow Jones” sənaye indeksi 1,12 faiz artaraq 29 591,27 bəndə, “S & P 500” indeksi 0,56 faiz artaraq 3 577,59 bəndə, “Nasdaq” elektron birja indeksi isə 0,22 faiz artaraq 11 880,63 bəndə çatıb.

Nyu-York Əmtəə Birjasında “WTI” markalı nefti 1,06 faiz bahalaşaraq 42,87 ABŞ dollarından satılıb. Sonuncu hərraclarda qızılın unsiyasının qiyməti 2,07 faiz ucuzlaşaraq 1 833,70 ABŞ dollarına ticarət olunub.