Nazir əvəzi: "Bu il Naxçıvanda bütün sahələrdə iqtisadi artım olacaq"

2025-ci ildə Naxçıvan Muxtar Respublikasında iqtisadiyyatın bütün sahələrində artım olacağı proqnozlaşdırılır.

Bunu "Report"un yerli bürosuna müsahibəsində yerli iqtisadiyyat nazirinin müavini, nazir vəzifəsini müvəqqəti icra edən Abbas İsmayılov bildirib.

“O cümlədən, sənayedə 3,7 %, kənd təsərrüfatında isə 2,5 % artım gözlənilir", - deyə o qeyd edib.

Xatırladaq ki, Azərbaycan hökuməti bu il Naxçıvanda iqtisadi artımın 3,9 % olacağını, Muxtar Respublikada 1 milyard 498,7 milyon manat dəyərində ümumi daxili məhsul (ÜDM) istehsal ediləcəyini proqnozlaşdırır.