Naxçıvanın Maliyyə Nazirliyinin əsasnaməsi və strukturu yenidən təsdiq edilib

Naxçıvan Muxtar Respublikası Ali Məclisinin sədr müavini Anar İbrahimov yerli Maliyyə Nazirliyinin yeni əsasnaməsini və strukturunu təsdiq edib.

"Report"un yerli bürosu xəbər verir ki, sədr müavini bununla bağlı fərman imzalayıb.

Fərmana əsasən, struktura nazirliyin aparatı (şöbələr və sektorlar), Dövlət Maliyyə Nəzarət İdarəsi və nazirliyin yeni bölmələri daxildir.

Eyni zamanda, Maliyyə Nazirliyinin əsasnaməsinin və strukturu təsdiq edilməsi barədə Ali Məclis sədrinin 20 fevral 2009-cu il tarixli fərmanı ləğv olunub.