Naxçıvanda bank əmanətləri 52 %-ə yaxın artıb

Bu il sentyabrın 1-nə Naxçıvan Muxtar Respublikasında əhalinin banklarda 33,1 milyon manat əmanəti olub.

Bu barədə "Report"un yerli bürosuna Naxçıvanın Dövlət Statistika Komitəsindən bildirilib.

Məlumata görə, əmanətlərin 93,6 %-i milli, 6,4 %-i xarici valyutada qoyulub.

Ötən ilin eyni dövrü ilə müqayisədə milli valyutada olan əmanətlərin məbləği 49,9 %, xarici valyutada qoyulmuş əmanətlərin məbləği isə 80,8 % artıb.