Milli Depozit Mərkəzinin kupon ödənişləri 86% artıb

Milli Depozit Mərkəzi bu ilin yanvar ayında ödəniş agenti qismində dövlət qiymətli kağızları və korporativ istiqrazlar üzrə həyata keçirdiyi kupon ödənişlərinin məbləğini açıqlayıb.

“Report"un məlumatına görə, ötən ay qurum 77 investor üzrə 73 milyon manat və 198 min ABŞ dolları (ümumilikdə 73,3 milyon manat) ödəniş edib.

Bu, ötən ilin yanvar ayına nisbətən təxmnən 86% çoxdur. 

Ödənişlər Maliyyə Nazirliyi, İpoteka və Kredit Zəmanət Fondu, "Unibank" ASC, "Embafinans” QSC bank olmayan kredit təşkilatı (BOKT) və "Azərbaycan Supermarket" MMC üçün həyata keçirilib.