Ekspert: "Koronavirusun ikinci dalğası başlasa, ABŞ dollarına tələbat azala bilər"

"Yeni koronavirus epidemiyası başlasa, valyuta bazarında ABŞ dollarına tələbat azala bilər".

“Report” CNBC-yə istinadən xəbər verir ki, bunu Almaniyanın “Deutsche Bank”ının Asiya üzrə makro-strateji bölməsinin rəhbəri Samir Qoel deyib. 

Onun sözlərinə görə, virusun sürətlə yayılmağa başladığı mart ayında ABŞ dollarına maraq artsa da, hazırda əks proses gedir: "ABŞ-ın məhdudiyyətləri Avropaya nisbətən daha ləng yumşaltması investorlarda narahatlıq yaradıb".