IMF Azərbaycanın cari hesab balansının profisiti üzrə proqnozunu azaldıb

Beynəlxalq Valyuta Fondu (IMF) bu il Azərbaycanda cari hesab balansı üzrə profisitinin ümumi daxili məhsuluna (ÜDM) nisbətini 16,3 % səviyyəsində olacağını proqnozlaşdırır.

“Report” xəbər verir ki, bu barədə IMF-nin “Dünya iqtisadiyyatının inkişaf perspektivləri” hesabatının oktyabr sayında bildirilir.

Sənədə əsasən, bu, Fondun 2023-cü ilin aprel ayında dərc edilən proqnozla müqayisədə 2,9 faiz bəndi azdır.

IMF 2024-cü ildə Azərbaycanda cari hesab balansı üzrə profisitinin ÜDM-yə nisbətini 15,7 %, 2028-ci ildə isə 7 % səviyyəsində proqnozlaşdırır ki, bu da, əvvəlki proqnozla müqayisədə müvafiq olaraq 1,7 və 1 faiz bəndi azdır.

2022-ci ildə bu göstərici 29,8 %, 2021-ci ildə isə 15,1 % səviyyəsində olub.