"Həmrəylik ruhunda yaşıl gələcək: “Rabitabank”dan yaşıl təşəbbüs" ağacəkmə aksiyası

“Yaşıl dünya naminə həmrəylik ili” çərçivəsində “Rabitəbank” ASC və Ekologiya və Təbii Sərvətlər Nazirliyinin birgə təşkilatçılığı ilə oktyabrın 25-də Bakı şəhəri, Müşfiqabad qəsəbəsində yerləşən ərazidə ağacəkmə aksiyası keçirilib. Aksiya çərçivəsində ərazidə yüzlərlə şam və zeytun ağacları əkilib. Yeni əkilmiş ağaclar suvarılıb və gələcəkdə mühafizə edilməsi məqsədilə zəruri tədbirlər görülüb.

Aksiyanın keçirilməsində əsas məqsəd ağac əkməklə ekoloji davamlılığı dəstəkləmək, ətraf mühiti qorunmaq, ən əsası da ölkədə keçirilən ekoloji tədbirlərdə yaxından iştirak etmək və ekoloji maarifləndirmə ilə gənc nəslin diqqətini yaşıl dünyanın qorunmasına yönəltmək olub.

Qeyd edək ki, “Rabitəbank” ASC mütəmadi olaraq ətraf mühitin qorunması, ekoloji şəraitin yaxşılaşdırılması istiqamətində müxtəlif sosial aksiyalar təşkil edir.

Hazırda “Rabitəbank” ASC 16 region və Bakı şəhəri üzrə ümumilikdə 28 xidmət məntəqəsi, 74 ATM-i, "Rabita Mobile" tətbiqi, İnternet Bankçılıq platforması, "RabitaBot" çatbotu və 133 nömrəli Çağrı Mərkəzi ilə öz müştərilərinə ən müasir standartlar səviyyəsində geniş spektrli bank xidmətləri təqdim edir.