Gürcü larisi ucuzlaşır

Son günlər Gürcüstanın milli valyutası olan larinin ucuzlaşması müşahidə olunur.

“Report”un yerli bürosu xəbər verir ki, Gürcüstan Milli Bankı sabah üçün ABŞ dollarının məzənnəsini 3,3409 lari müəyyən edib.

Bu isə günlük müqayisədə 0,0421 lari çoxdur.

Qonşu ölkədə avro da bahalaşmaqdadır. Sabah bu xarici valyutanın rəsmi məzənnəsi bu günlə müqayisədə 0,0456 lari çox - 3,9042 lariyə bərabər olacaq.