Dövlət büdcəsindən aqrar sektora daha 1 milyard manat xərclənəcək

2022-ci ildə Azərbaycanın dövlət büdcəsində kənd təsərrüfatı xərclərinin 986 milyon manat olması nəzərdə tutulub.

"Report" bu barədə Maliyyə Nazirliyinə istinadən xəbər verir.

Məlumata görə, bu vəsait aqrar sektorda 37 tədbiri əhatə edən 5 proqram üçün nəzərdə tutulub və 2021-ci ilin təsdiq edilmiş proqnozu ilə müqayisədə 4,4% çoxdur.

Gələn il proqnozlaşdırılan vəsaitin 6,6 milyon manatı yeni siyasət təşəbbüslərinin maliyyələşdirilməsi üçün nəzərdə tutulub.