ECB 500 avroluq əskinasların çapını tam dayandırıb

Avropa Mərkəzi Bankı (ECB) 500 avroluq əskinasların buraxılışını tam dayandırıb.

"Report" TASS-a istinadən xəbər verir ki, bu barədə "Bloomberg" məlumat yayıb.

"Avroblokda olan bütün milli mərkəzi bankların yanvar ayında bu banknotların verilməsini dayandırdığı zaman, Almaniya və Avstriyanın hələ üç əlavə ayı var idi ki, yerli banklar və vətəndaşlar bənövşəyi rəngli banknotları buraxa və ala bilsinlər. Bu müddət aprelin 26-dək idi", - deyə məlumatda qeyd olunur.

Bildirilir ki, əskinaslardan imtina sözügedən valyutadan qanunsuz fəaliyyətlərdə istifadə olunma şübhələrinin artmasından irəli gəlib.