Dünya Bankı Azərbaycan iqtisadiyyatı ilə bağlı proqnozlarını yeniləyib

Azərbaycanda ümumi daxili məhsul (ÜDM) istehsalının bu il 1,5 %, 2024-cü ildə isə 2,4 % artacağı gözlənilir.

“Report” xəbər verir ki, bu barədə Dünya Bankının "Regional Economic Outlook" hesabatında bildirilib.

Sənədə əsasən, bu, 2023-cü ilin yazda dərc olunan proqnozlarına nisbətən müvafiq olaraq 0,7 faiz bəndi və 0,1 faiz bəndi azdır.

Dünya Bankı 2025-ci ildə Azərbaycan iqtisadiyyatının 2,5 % böyüyəcəyini proqnozlaşdırır ki, bu da ötən gözləntilərə nisbətən 0,1 faiz bəndi azdır.