Dünya Bankı: “Azərbaycan güclü iqtisadi göstəriciləri sayəsində yoxsulluğu 49%-dən 5%-ə endirib”

Azərbaycan 2001-2015-ci illərdə yoxsulluğu 49%-dən 5%-ə endirib, bu da əsasən ölkənin güclü iqtisadi göstəriciləri sayəsində illik ortalama 11%-lik artım tempi ilə mümkün olub.

“Report” xəbər verir ki, bu barədə Dünya Bankının Beynəlxalq Yoxsulluğun Ləğvi Günü ilə bağlı açıqladığı məlumatda deyilir.

Dünya Bankı ölkəmiz qarşısında qalan çətinliklərin həlli üçün də çıxış yolu təklif edib: “Ancaq çətinliklər qalmaqdadır. Bunları həll etmək üçün yeni bir böyümə modelinə ehtiyac var. Dövlət iqtisadiyyata təsirini azaltmalı və rəqabəti gücləndirməlidir. Həmçinin institusional sərtliyi aradan qaldırmaq və insan kapitalına investisiyanı təşviq etməklə özəl sektorun potensialını açmaq lazımdır”.