Dövlət Gömrük Komitəsinin xətti ilə büdcə daxilolmaları 4 % artıb

Bu ilin yanvar-may aylarında Dövlət Gömrük Komitəsinin (DGK) xətti ilə dövlət büdcəsinə daxilolmalar 2 milyard 589,5 milyon manat təşkil edib.

“Report” bu barədə Maliyyə Nazirliyinə istinadən xəbər verir.

Məlumata görə, bu, ötən ilin eyni dövrü ilə müqayisədə 4 % çoxdur.

Gömrük daxilolmaları proqnozdan 0,1 % çox icra edilib.

Xatırladaq ki, bu il DGK büdcəyə 6,6 milyard manat vəsait köçürməlidir. Beləliklə, 5 ay ərzində həmin məbləğin 39,2 %-i təmin olunub.