DGK-nın xətti ilə büdcə daxilolmaları 32% artıb

Bakı. 17 yanvar. REPORT.AZ/ 2018-ci il ərzində Dövlət Gömrük Komitəsinin (DGK) xətti ilə büdcə daxilolmaları 3 434 062 min manat təşkil edib.

“Report” DGK-ya istinadən xəbər verir ki, bu, 2017-ci ilə müqayisədə 825 282,39 min manat yaxud 31,6% çoxdur.

Ötən il ərzində gömrük rüsumları üzrə daxilolmalar 176 276,46 min manat və yaxud 24,9% artaraq 883 150,8 min manat, əlavə dəyər vergisi (ƏDV) üzrə daxilolmalar 567 594,76 min manat və yaxud 32% artaraq 2 340 784,50 min manat, aksizlər üzrə daxilolmalar 76 041,5 min manat və yaxud 81% artaraq 169 964,9 min manat, yol vergisi üzrə daxilolmalar isə 5 369,67 min manat və axud 15,4% artaraq 40 161,80 min manat olub.