Çinin səhm bazarının dəyəri 10 trilyon dollara çatıb

Çin birjalarında tədavüldə olunan səhmlərin ümumi dəyəri 10 trilyon ABŞ dollarına çatıb. 

“Report” bu barədə xarici mətbuata istinadən xəbər verir.

Məlumata görə, hazırda Çinin səhm bazarı dəyərinə görə, dünyada yalnız ABŞ-dan geri qalır. Bu ölkənin birjalarındakı səhmlərin ümumi dəyəri 37,9 trilyon ABŞ dollarıdır. 

Xatırladaq ki, Çin sonuncu dəfə 10 trilyon dollarlıq göstəriciyə 5 il əvvəl, 2015-ci ilin iyun ayında yaxınlaşıb. Amma bundan sonra birjalarda qiymətli kağızların kütləvi satış dalğası yaşanıb.