Cənubi Koreya tarixinin rekord büdcəsi razılaşdırılıb

Koreya Respublikası hökuməti və hakim “Toburo” Demokratik Partiyası 2022-ci il üçün ölkə tarixinin rekord büdcəsini - 605 trilyon von (518,7 milyard ABŞ dolları) razılaşdırıb.

“Report” TASS agentliyinə istinadən xəbər verir ki, bu barədə jurnalistlərə partiyanın siyasət üzrə komitəsinin rəhbəri Vak Pan Çju məlumat verib.

Onun sözlərinə görə, pandemiyanın fəsadlarından zərər çəkmiş kiçik biznes nümayəndələrinə əlavə təzminat ödəmək məqsədilə növbəti il üçün büdcəyə əlavə 1,8 trilyon von (1,54 milyard ABŞ dolları) daxil edilib. Bundan başqa, yoluxucu xəstəliklərin yayılması ilə mübarizə üçün infrastrukturun, o cümlədən vaksinlərin daşınması və saxlanması üçün logistika şəbəkəsinin yaradılması məqsədilə əlavə vəsait ayrılacaq.