​"Bank VTB (Azərbaycan)" sahibkarlığın kreditləşməsini 3 dəfə artırıb

Bakı. 8 oktyabr. REPORT.AZ/ "Bank VTB (Azərbaycan)" ASC-nin kiçik və orta sahibkarlıq (KOS) üzrə kredit portfelinin həcmi 100 mln. ABŞ dolları həddini aşıb. Bu barədə “Report”a Bankın mərkəzi ofisindən məlumat verilib.

Bankın KOS üzrə kredit portfeli 2014-cü il oktyabrın 1-nə 101 mln. dollar təşkil edib. Bu ilin əvvəlindən Bankın KOS üzrə kredit portfeli 2,4 dəfə, 2013-cü ilin analoji müddəti ilə müqayisədə isə 3 dəfə artıb.

Qeyd edək ki, "Bank VTB (Azərbaycan)" ASC 2009-cu ilin noyabrında açılıb. Hazırda Bankın səhmlərinin 51,0%-i Rusiya tərəfinə ("Bank VTB" ASC), 48,99%-i “AtaHolding”ə, 0,01% isə yerli fiziki şəxsə məxsusdur.