Azərbaycanın valyuta bazarı 33 % böyüyüb

Bu ilin I yarısında Azərbaycanın valyuta bazarında 20,2 milyard ABŞ dolları dəyərində əməliyyat aparılıb.

"Report" Azərbaycan Mərkəzi Bankının "Pul Siyasəti İcmalı"na istinadən xəbər verir ki, bu, ötən ilin eyni dövrü ilə müqayisədə 32,9 % çoxdur.

Yarımillik əməliyyatların 17,8 milyard ABŞ dolları nağdsız, 2,4 milyard ABŞ dolları isə nağd valyuta bazarında baş tutub. Bunlar isə 1 il əvvələ nisbətən müvafiq olaraq 32,8 % və 33,3 % çoxdur.

Nağdsız valyuta əməliyyatlarının 81 %-i ABŞ dollarında, 19 %-i digər valyutalarda, nağd valyuta əməliyyatlarının isə 87,5 %-i ABŞ dollarında, 12,5 %-i digər valyutalarda baş tutub.