Azərbaycanın investisiya şirkətləri I yarımildə aktivlərini 13 % artırıblar

Bu ilin I yarısında Azərbaycanda investisiya şirkətlərinin aktivləri ilin əvvəli ilə müqayisədə 13 % artaraq 122 milyon manat təşkil edib.

"Report" xəbər verir ki, bu barədə Azərbaycan Mərkəzi Bankının (AMB) "2023-cü ilin I yarısı üzrə Maliyyə sabitliyi hesabatı"nda bildirilir.

Sənədə əsasən, yanvar-iyun aylarında investisiya şirkətlərinin öhdəlikləri isə 16 % artaraq 80 milyon manata, balans kapitalı isə 7,7 % artaraq 42 milyon manata çatıb.