Azərbaycanın dövlət büdcəsinin qalığı 7 dəfədən çox artıb

Bu ilin yanvar-noyabr aylarında Azərbaycan dövlət büdcəsinin gəlirləri 28 978,1 milyon manat, xərcləri isə 25 975,5 milyon manat təşkil edib.

“Report” bu barədə Dövlət Statistika Komitəsinə istinadən xəbər verir.

Məlumata görə, bunlar, ötən ilin eyni dövrü ilə müqayisədə müvafiq olaraq 27,5 % və 16,4 % çoxdur.

Son nəticədə büdcədə 3 002,6 milyon manat qalıq yaranıb ki, bu da 1 il əvvələ nisbətən 7,2 dəfə çoxdur.