Azərbaycanda rəqəmsal ödəniş infrastrukturunun daha da təkmilləşdirilməsi müzakirə edilib

Azərbaycan Mərkəzi Bankında (AMB) rəqəmsal ödəniş infrastrukturunun daha da təkmilləşdirilməsi müzakirə edilib.

"Report" bu barədə AMB-yə istinadən xəbər verir.

Məlumata görə, qurumun sədrinin I müavini Rəşad Orucov "Azərbaycan Fintex Assosiasiyası" İctimai Birliyinin nümayəndələri ilə görüş keçirib. Görüşdə rəqəmsal ödəniş sahəsində təhlükəsizliyin və inklüzivliyin təmin olunması, çağırışların effektiv şəkildə aradan qaldırılması, eləcə də infrastrukturun daha da təkmilləşdirilməsi kimi mühüm məsələlər müzakirə olunub, fintex ekosisteminin inkişafı ilə rəqəmsal ödəniş sistemlərinin genişləndirilməsini şərtləndirəcək strateji təşəbbüslər ətrafında fikir mübadiləsi aparılıb.