Azərbaycanda problemli kreditlər son 1 ildə 26%-dək azalıb

Azərbaycanda vaxtı keçmiş kreditlərin məbləği bu il oktyabrın 1-nə 1 mlrd 069,5 mln manat təşkil edib.

“Report” Azərbaycan Mərkəzi Bankına istinadən xəbər verir ki, bu, sentyabrın 1-i ilə müqayisədə 0,4% çoxdur.

Problemli kreditlər ilin əvvəlinə nisbətən 16% az, son 1 ildə isə 25,9% azalıb.

Sentyabrın sonuna vaxtı keçmiş kreditlərin ümumi kredit portfelində xüsusi çəkisi 7,2% təşkil edib. Bu nisbət avqustun sonuna 7,3%, ötən ilin sonuna 8,3%, ötən il sentyabrın sonuna isə 10,1% olub.