Azərbaycanda dövlət xətti ilə ipoteka kreditləşməsi 40%-dən çox artıb

Bu ilin yanvar-avqust aylarında İpoteka və Kredit Zəmanət Fondu (İKZF) 157,8 milyon manat kredit verib.

“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 40,3% çoxdur.

Hesabat dövründə Fondun yenidən maliyyələşdirdiyi kreditlərin məbləği isə illik müqayisədə təxminən 2,6 dəfə azalaraq 64,9 milyon manata, qiymətli kağızlar bazarında istiqraz buraxmaq yolu ilə cəlb olunan vəsait 1,9 dəfə artaraq 150 milyon manat olub.

Hesabat dövründə İKZF-yə dövlət büdcəsindən ayrılmış vəsait isə 3,6 dəfə artaraq 143,4 milyon manat təşkil edib.