Azərbaycanda bədən tərbiyəsi və gənclər siyasəti xərcləri 54 % artırılır

2024-cü ildə Azərbaycanda dövlət büdcəsi xərclərinin 71 milyon manatı və yaxud 0,2 %-i bədən tərbiyəsi və gənclər siyasəti xərclərinin payına düşəcək.

"Report" bu barədə Maliyyə Nazirliyinə istinadən xəbər verir.

Məlumata görə, bu, 2023-cü ilin təsdiq olunmuş proqnozu ilə müqayisədə 54,3 % çoxdur.

Bədən tərbiyəsi və gənclər siyasəti xərcləri mədəniyyət, incəsənət, informasiya, bədən tərbiyəsi, gənclər siyasəti və bu qəbildən olan digər fəaliyyət xərclərinin 12,3 %-ni təşkil edəcək.

Xatırladaq ki, gələn il büdcə gəlirlərinin 34 milyard 173 milyon manat, büdcə xərclərinin isə 36 milyard 763 milyon manat olacağı gözlənilir.