Azərbaycanda bankların rezolyusiyası çərçivəsinin təkmilləşdirilməsi Dünya Bankı ilə müzakirə edilib

Azərbaycan Mərkəzi Bankı (AMB) və Dünya Bankı arasında yerli bankların rezolyusiyası çərçivəsinin təkmilləşdirilməsi müzakirə edilib.

"Report" bu barədə AMB-yə istinadən xəbər verir.

Məlumata görə, qurumda "Maliyyə Sektorunun Modernizasiyası Layihəsi 3” çərçivəsində Dünya Bankının ölkəmizdə səfərdə olan ekspert missiyası ilə növbəti görüş keçirilib. Görüşdə layihə çərçivəsində görülmüş işlər, xüsusilə maliyyə xidmətləri istehlakçılarının hüquqlarının qorunması çərçivəsinin gücləndirilməsi, bankların rezolyusiyası çərçivəsinin daha da təkmilləşdirilməsi, nəzarət və tənzimləmə alətlərinin genişləndirilməsi istiqamətlərində göstəriləcək məsləhət xidməti üzrə müzakirələr aparılıb.