Azərbaycanda Ani Ödəniş Sistemi ilə əməliyyatların sayı 3 dəfə artıb

2022-ci ildə Azərbaycanda Ani Ödəniş Sistemi (AÖS) ilə ümumi dəyəri 549,4 milyon manat olan 337,3 min ədəd əməliyyat aparılıb.

“Report” xəbər verir ki, bu barədə Azərbaycan Mərkəzi Bankının illik “Rəqəmsal Ödənişlər İcmalı”nda bildirilir.

Sənədə əsasən, bunlar 2021-ci ilin göstəricisi ilə müqayisədə müvafiq olaraq 95,4 % və 2,9 dəfə çoxdur.

Xatırladaq ki, AÖS-ə 24 bank, Rəqəmsal İnkişaf və Nəqliyyat Nazirliyinə məxsus “Azərpoçt” MMC, Maliyyə Nazirliyinin Dövlət Xəzinədarlığı Agentliyi, İpoteka və Kredit Zəmanət Fondu inteqrasiya olunub.