Azərbaycan Mərkəzi Bankı “Azərbaycan Sənaye Bankı”na icrası məcburi sərəncam verib

Azərbaycan Mərkəzi Bankı (AMB) “Azərbaycan Sənaye Bankı” ASC-yə daxili prosedurlarının təkmilləşdirilməsi ilə bağlı icrası məcburi sərəncam verib.

"Report" bu barədə AMB-yə istinadən xəbər verir.

Məlumata görə, bu addım məcmu halda likvidliyin örtülmə əmsalının düzgün hesablanmaması nəticəsində fevralın sonuna AMB-yə təqdim edilmiş hesabatda qurumun "Banklarda likvidlik riskinin idarə edilməsi Qaydası”nın 7.2-ci bəndi ilə müəyyən edilmiş həddən yuxarı saxlanması tələbi təmin edilmədiyinə görə “Banklar haqqında” qanunun 47-ci maddəsinin tələbləri rəhbər tutularaq atılıb. Sözügedən pozuntu Bankın maliyyə dayanıqlığı üçün təhdid yaratmır.