“Bitcoin”in qiyməti yeni rekord müəyyənləşdirib

“Bitcoin” kriptovalyutasının qiyməti 77 min dolları keçərək yeni rekord müəyyənləşdirib.

“Report”un məlumatına görə, bunu “Coindesk” ticarət platformasının məlumatları göstərir.

Belə ki, ən populyar kriptovalyutanın dəyəri kəskin artımdan sonra 77,109 ABŞ dolları təşkil edib.

Qeyd edək ki, son bir il ərzində dünyada 6 yeni kripto-milyarder peyda olub və hazırda onların sayı 28-ə çatıb. Kriptovalyuta portfeli 100 milyon dolları keçən insanların sayı 79 faiz artaraq 325 nəfərə çatıb. Son bir ildə bitkoin 2,4 dəfə bahalaşıb.